Monday, April 22, 2019

இது, உயிர்த்த ஞாயிறு இல்லை! -ஸ்ரீ. பிரசாந்தன்-



பாரிசில் பற்றியெரிந்த தேவாலயத்தின்
தீக் கங்குகள் நம்
முற்றத்தில் வீழ்ந்தன.
பாதுகாக்கப்பட்டது முட்கிரீடம்.
ஆனால் பறிபோய்விட்டன
மேய்ப்பனின் மந்தைகள்.
தொழுது மண்டியிட்டுக்
குனிந்தவர் நிமிரவில்லை.
ஓலமிட்ட குரல், கோலமிட்ட குருதி.
தாயின் செட்டைக்குள்ளாக
குஞ்சுகளைப் பருந்து குதற,
கசியும் விழிகளுடன்
மன்றாடுவன், பிதாவே!
இன்னுமொரு முறை அறையப்பட்டீர்,
தெறித்த குருதித் துளிகள், ஆணிகளாக.
இது, நீர்
உயிர்த்த ஞாயிறு இல்லை.
மானுடம் மரித்த ஞாயிறு,
ஆமென்.

             - ஸ்ரீ. பிரசாந்தன்-

Post Comment

இவர்தமக்கும் இதயமது இருப்பதாமோ ? - கம்பவாரிதி இலங்கை. ஜெயராஜ்


லகதிர மீண்டும் ஒரு தீமை இந்த
ஒப்பற்ற தேயத்தில் விழைந்து போச்சாம்!
நலங்களெலாம் பொன்போல மெல்ல மெல்ல
நல்லவர்கள் வாழ்த்திடவே தலையைத் தூக்கி
நிலம் அதிர்ந்த போர் முடிந்து நிமிர்ந்து நிற்க
நிம்மதிதான் இனி என்று நினைந்தவேளை
குலம் அதிர குண்டுகளும் வெடித்துச் சீறி
குதறியதே கொடுமைதனை என்ன சொல்ல?

Post Comment

Saturday, April 20, 2019

'வலம்புரி' புருஷோத்தமனுக்கு கம்பவாரிதி எழுதும் அறமடல்!



அன்பின் புருஷோத்தமனுக்கு,
வணக்கம்,
நலம் வேண்டிப் பிரார்த்திக்கிறேன்.

பத்துப் பாகங்களாக நீங்கள் எனக்கு எழுதிய தொடர் கடிதம் என் பார்வைக்கு வந்தது.
முதலில் என்னைப் பற்றி நீங்கள் தந்த பாராட்டுதல்களுக்கு நன்றிகள்.
உங்கள் கடிதத்தின் நீட்சி சற்று அதிகரித்து விட்டதாக உணர்ந்தேன்.
உங்கள் மன எண்ணங்களைக் கொட்ட எனக்கான கடிதத்தைப் பயன்படுத்தியிருக்கிறீர்கள்.
எனை விழித்து இக்கடிதம் எழுதப்பட்டிருந்தாலும்,
அது எனக்கான கடிதமல்ல என்பதை விளங்கிக் கொள்கிறேன்.
அவலை நினைத்து உரலை இடித்த கதைதான் இது.
அக் கடிதத்தில் தெரிந்த உங்களின் பத்திரிகையாளக் கெட்டித்தனத்தை மட்டுமே என்னால் ரசிக்க முடிந்தது.
உங்கள் கடிதத்தில் பதிவான விடயங்கள்பற்றி விபரித்து எழுத நான் விரும்பவில்லை.
நேரமின்மை அதற்கான ஒரு காரணம்!
பிழை என்று தெரிந்தே பொய்மையை வளர்க்க நினைக்கும் உங்களுக்கு,
பதில் வரைவதால் என்ன பயன் விளையப்போகிறது என்பது மறுகாரணம்!
ஆனாலும் என் மதிப்புக்குரியவர் தாங்கள் என்பதாலும்,
உங்கள் கடிதம் பத்திரிகையில் வெளிவந்ததாலும்,
என் நிலைப்பாட்டை மக்கள் மன்றின் முன் அறியத் தரவேண்டியிருக்கிறது.

Post Comment

கம்பவாரிதிக்கு 'வலம்புரி' புருசோத்தமன் எழுதிய அன்பு மடல்கள்: 27.03 - 09.04 /2019 (பத்துப் பாகங்கள்).



புருசோத்தமன் எழுதும் கம்பவாரிதிக்கு ஓர் அன்பு மடல் (பாகம் 1)

பெருமைமிகு கம்பவாரிதி இ.ஜெயராஜ் அவர்களுக்கு அன்பு வணக்கம்.
தங்களின் பேச்சாற்றலால்,  ழத்தமிழினம் உலகப் புகழ் பெறுவது கண்டு
புளகாங்கித
மடைகின்றோம். தமிழகத்தில் தங்களுக்கு வழங்கப்படும் விருதுகள் தங்களினூடாக ஈழத்தமிழினத்திற்குரியது என்ற இறுமாப்பில், எம் தோள் புயங்கள் உயருகின்றன.
கம்பன் விழா, திருக்குறள் வகுப்புக்கள், சேக்கிழாரின் பெருமை, திருவாசகத்தின் மகிமை
என்றவாறு தங்கள் தமிழ்ப்பணி நீண்டு செல்கின்ற அதேநேரம், எங்கள் ஈழத்துக்
கலைஞர்களுக்கும் படைப்பாளிகளுக்கும் களம் அமைத்து மேடையேற்றி எம்மவர்களின் திறத்தை
பகிரங்கப்படுத்தும் தங்களின் அளவு கடந்த பணிக்கு என்றும் எம் நன்றிகள். யாழ்ப்பாணத்தில் 
கடந்த மார்ச் மாதம் 15, 16, 17 ஆம் திகதிகளில் நடந்த கம்பன் விழாவின் முதல் நாள் நிகழ்வில் பொன்னாலை சந்திரபரத கலாலய இயக்குநர் ஸ்ரீமதி ஸ்ரீதேவி கண்ணதாசன் அவர்களின் நெறியாள்கையில் இடம்பெற்ற நாட்டிய வேள்வி கண்டு வியக்காதவர்கள் யார் உளர்.

பரதனின் பெருங்குணத்தினூடு அன்பின் மகிமையை வெளிப்படுத்திய அந்த நாட்டிய வேள்வி
பார்வையாளர்களின் கண்ணீருடன் நிறைவு கண்டபோது ஈழத்தமிழனை எவரும் எதுவும் செய்ய
முடியாது என்ற எண்ணம் எம் இதயங்களை வைரப்படுத்தியது. அந்த வைராக்கியம் கலை, பண்பாடு, இயல், இசை, நாடகம் என்ற துறைகளில் நாம் விரைந்தெழுவோம் என்ற நம்பிக்கையைத் தருகிறது. எனினும் இலங்கை மண்ணில் எங்களின் வாழ்வு, எங்களுக்கு இருக்கக்கூடிய உரிமை, போரில் நொந்துபோன மக்களுக்கு மறுக்கப்படுகின்ற நீதிரூபவ் அரசியல் என்ற பெயரால் எங்கள் மக்களை காட்டிக் கொடுக்கின்ற யூதாஸ்கள் இவர்களையெல்லாம் எண்ணிப் பார்க்கும்போது தான் இக்கடிதத்தை உங்களுக்கு எழுதியாகவேண்டும் என்ற முடிவுக்கு வந்தோம். நீங்கள் பேசுகின்ற மேடைகளில் திரும்பத் திரும்ப எடுத்துரைக்கின்ற அறத்தின் பாற்பட்டு எங்கள் தமிழ் அரசியல் தரப்பில் ஏற்படவேண்டிய ஒற்றுமை பற்றிப் பிரஸ்தாபிப்பதும்
எங்களை ஏமாற்றுகின்ற தமிழ் அரசியல்வாதிகளை வெளியேற்ற வேண்டியதன் அவசியத்தையும்
இவ்விடத்தில் எடுத்துரைப்பது இக்கடிதத்தின் முக்கிய நோக்கமாகும்.

அன்புக்குரிய கம்பவாரிதி அவர்களே!...

Post Comment

Friday, April 19, 2019

உயிர்த் தோழமை நெஞ்சங்களுக்கு! -கம்பவாரிதி இ.ஜெயராஜ்-




கரம் சிலகாலமாய் உறங்கிக் கிடந்தமை பற்றி,
சற்றுக் கோபமாய் இருப்பீர்கள்.
பிழை, தலைமை ஏற்ற என் மேலதுதான்.
ன் செய்ய?
இணையத்துள் புகுந்து செயலாற்றும் ஆற்றல் எனக்கில்லை.
பொறுப்பேற்ற இளையோர்க்குப் பொறுப்பில்லை.
இதனால்த்தான் இடைவெளி நீண்டு போயிற்று.
புதிய நிர்வாகத்தைப் புகுத்தியிருக்கிறோம்.
இனியேனும் உகரம் உயிர்பெறுமா?
உங்கள் மனத்தில் எழும் கேள்வியே என்மனத்திலும்.
திகட்டாத ஆக்கங்களோடு தினம் தினம் சந்திக்கும் விருப்பால்,
நாளுக்கொரு ஆக்கத்தை வெளியிடத் திட்டமிடுகிறார்கள்.
சாத்தியப்பாட்டை காலம் நிர்ணயிக்கட்டும்.
இம்முறை ஒரு சிறுமாற்றம்.
புதிய நிர்வாகம் உங்கள் ஆக்கங்களையும் உவப்போடு வரவேற்கிறது.
அனுப்பவேண்டிய இணைய முகவரி kambanlanka@gmail.com
ஆக்கங்களைச் சிதைக்காமல் ஆசிரியர் குழு திருத்தங்கள் செய்யுமாம்.
தக்கவை தரத்தோடு பிரசுரிக்கப்படுவது உறுதி.
உங்கள் அபிப்பிராயங்களை விருப்போடு வேண்டி நிற்கிறார்கள்.
இனியவை நிகழ இறையருள் கிட்டட்டும்.

<>    <>   <>   <>   <>

Post Comment

Related Posts Plugin for WordPress, Blogger...